Телеграм канал «Светлана Тихановская»

«Група «За дэмакратычную Беларусь» будзе працаваць у новым складзе абранага парламента Малдовы» Дарадца Святланы Ціханоўскай па парламенцкім супрацоўніцтве Анатоль Лябедзька ў сваім відэа распавядае пра тое, як будзе выглядаць далейшае супрацоўніцтва з парламентам. Лябедзька: «Парламент Малдовы афіцыйна адмовіўся ад супрацы з пуцінскай Думай і лукашэнкаўскай Палатай. Узнікае пытанне: а ці будзе зараз парламент наогул працаваць з Беларуссю? Так, група «За дэмакратычную Беларусь» будзе працаваць у новым складзе абранага парламента Малдовы. Мы маем падтрымку ад спікера парламента Гросу. Мы маем жаданне дэпутатаў, якія ўжо працавалі ў групе, працягнуць гэтую працу».  Пра наступныя крокі і далейшыя магчымасці супрацы — у відэа.

«Вы — людзі з вялікімі гарачымі сэрцамі, якія ніколі не праходзяць міма чужога болю. Валанцёры трымаюць Беларусь на руках ціхай, штодзённай, але моцнай справай. Ваша дапамога неацэнная, і я веру, што дзякуючы ёй мы будуем Беларусь, у якой нікому не давядзецца баяцца дапамагчы іншым», — Святлана Ціханоўская з нагоды Міжнароднага дня валанцёраў.

Запрашаем на акцыю супраць гібрыдных атак рэжыму ў Вільні 7 снежня!  У апошнія тыдні мы ўсе бачым навіны пра метэазонды, што запускае рэжым Лукашэнкі, якія трапляюць у паветраную прастору Літвы. Гэта стварае рызыкі для палётаў: краіна вымушаная зачыняць аэрапорт з-за пагрозы ў небе, тысячы людзей не маюць магчымасці патрапіць дадому і гадзінамі застаюцца ў аэрапортах з-за адмены ці пераносу рэйса, у тым ліку — беларусы. Мы ведаем, што агрэсіўная палітыка Лукашэнкі не адлюстроўвае пазіцыі людзей. Наш народ заўсёды ставіцца з павагай да іншых краінаў і хоча падтрымліваць добрасуседскія адносіны. Далучайцеся! Нам важна паказаць, што беларуская супольнасць супраць правакацыяў рэжыму. Мы хочам, каб Беларусь успрымалася як сусед, ад якога няма ні пагрозаў, ні правакацыяў. 📅 Дата: 7 снежня ⏰ Час: 13:30 📍 Месца: каля Амбасады Беларусі ў Вільні (вул. Міндаўга, 13) Прыходзьце са сцягамі і плакатамі.

«Нашая агульная задача цяпер — вызваліць усіх і разарваць заганнае кола рэпрэсіяў у Беларусі»  На палях міністэрскай сустрэчы АБСЕ адбыўся сайд-івэнт «Падрыхтоўка дэмакратычнай будучыні Беларусі». Арганізатарамі выступілі краіны-сяброўкі групы «За дэмакратычную Беларусь». Разам са Святланай Ціханоўскай удзел прынялі намеснік міністра замежных справаў Фінляндыі Пасі Райяла, кіраўніца Міжнароднай платформы адказнасці за Беларусь (IAPB) Андрэа Хубер, віцэ-міністарка замежных справаў Літвы Аўдра Плепіце, намесніца міністра замежных справаў Эстоніі Мінна-Лііна Лінд.  Беларуская лідарка прадставіла пяць канкрэтных прапановаў групе сяброў і АБСЕ:  «Па-першае, я заклікаю вас разгледзець магчымасць прымянення Маскоўскага механізму ў адпаведнасці з пунктам 8, надаўшы асаблівую ўвагу пераследу беларусаў у выгнанні з боку рэжыму.  Па-другое, я прашу вас падтрымаць Літву і Польшчу, якія сутыкаюцца з гібрыднымі нападамі з боку рэжыму Лукашэнкі.  Па-трэцяе, я заклікаю Бюро па дэмакратычных інстытутах і правах чалавека сачыць за сітуацыяй у беларускіх турмах, уключаючы бесчалавечныя ўмовы ўтрымання, катаванні і выпадкі гвалтоўных знікненняў. Па-чацвёртае, давайце правядзём новую канферэнцыю высокага ўзроўню пра будучыню Беларусі, падобную да той, што адбылася ў Вене ў 2021 годзе. Для нас важна, каб Беларусь не стала суцяшальным прызам для Пуціна. Па-пятае, я заклікаю ўсе вашыя краіны далучыцца да міжнароднага гуманітарнага фонду для ахвяраў рэпрэсіяў. Маштабы рэпрэсіяў велізарныя, а падтрымка пераследуемых нашмат перавышае нашыя бягучыя рэсурсы. Я прашу вас таксама падтрымаць нашыя незалежныя СМІ, ініцыятывы ў галіне правоў чалавека і дэмакратычныя інстытуты». Прамова цалкам — па спасылцы.

Святлана Ціханоўская ў Вене: міністэрская сустрэча АБСЕ  Сёння, 4 снежня, беларуская лідарка знаходзіцца ў Вене і бярэ ўдзел у міністэрскай сустрэчы АБСЕ разам з больш чым 40 міністрамі еўрапейскіх і азіяцкіх краінаў, ЗША і Канады.  Галоўныя тэмы, якія гучаць у Вене сёння: спыненне вайны, дапамога Украіне і вяртанне павагі да правоў чалавека. Ціханоўская адзначыла: «Я тут, каб гаварыць пра беларусаў, пра нашыя чаканні і нашыя надзеі. АБСЕ можа паспрыяць у вырашэнні беларускага крызісу, спыненні тэрору, а ў будучыні, я спадзяюся, і правядзенні свабодных выбараў». Падрабязней — у відэа.

Святлана Ціханоўская ў Вене: міністэрская сустрэча АБСЕ  Сёння, 4 снежня, беларуская лідарка знаходзіцца ў Вене і бярэ ўдзел у міністэрскай сустрэчы АБСЕ разам з больш чым 40 міністрамі еўрапейскіх і азіяцкіх краінаў, ЗША і Канады.  Галоўныя тэмы, якія гучаць у Вене сёння: спыненне вайны, дапамога Украіне і вяртанне павагі да правоў чалавека. Ціханоўская адзначыла: «Я тут, каб гаварыць пра беларусаў, пра нашыя чаканні і нашыя надзеі. АБСЕ можа паспрыяць у вырашэнні беларускага крызісу, спыненні тэрору, а ў будучыні, я спадзяюся, і правядзенні свабодных выбараў». Падрабязней — у відэа.

Вашынгтон: Дзяніс Кучынскі сустрэўся з Крысам Смітам  Дарадца Святланы Ціханоўскай па пытаннях дыпламатыі Дзяніс Кучынскі знаходзіцца з працоўным візітам у ЗША. У Вашынгтоне ён сустрэўся з намеснікам памочніка дзяржсакратара Крысам Смітам: «Выдатная дыскусія з Крысам Смітам — нашым сапраўдным сябрам і саюзнікам. Ад імя Святланы Ціханоўскай я выказаў яму шчырую падзяку за нястомныя намаганні дзеля вызвалення палітвязняў і за прынцыповае, моцнае лідарства. Я таксама падзякаваў спадару Сміту за нядаўна праведзены плённы званок паміж Ціханоўскай і нядаўна прызначаным Спецыяльным пасланнікам ЗША па Беларусі спадаром Джонам Коўлам. Асобна выказаў шчырую ўдзячнасць спадару Коўлу, а таксама ўсёй адміністрацыі Прэзідэнта Трампа за яе пастаянную ўвагу да Беларусі — асабліва за намаганні, накіраваныя на вызваленне 1300 беларускіх палітычных зняволеных».